Nasir Merqati
ناصر مرقاتی.
ياشايیشی:
1328-اینجی ایل تیر آیینین 16-سیندا تبريزده دوغولدوم. ایییرمی گون سورا دئدیلر، ائله سن هوندور داغلارین ماکیسیندا دوغولموسان و یازیب وئردیلر ایییرمی گونلوک اللریمه.
بئش یاشیما قدر ماکی، ساققیز و میاندابدا اوینادیم. بئشدن بری تبریزه سوروندوم آتام آرخاسینجا. یادیمدا؛ منی آلیشدیریب یاندیران یازینین ایلک نفسلرینده، آتام آلدی مشق دفتریمی گؤرستدی شهریارا –اوست اوتاقدا- باخ نه گؤزل خطی وار اوغلومون! گؤزلَلهدی او دا منی. آنجاق خطیم هئچ زامان آتامین خطینین دیرناغینا چاتمادی.
1338-ده آتام اؤلدو. هامی گئتدی. باجادان باخانیمیز دا قالمادی. تکجه کیتابلاری و شعرلری قالدی آتامین بیزه. و یالنیز اؤزوموز، اؤزوموزه. اوخودوم. موپاسانی، تولستویو، سامرست موامی و مین بیر گئجه ناغیللارین. اون ایکی یاشیمدا بیر گؤرن گؤز دهیرلندیردی اوخودوقلاریمی و آزاجیق یازدیغیم، آغزی سوت اییی وئرن شعرچهلریمی و بؤیله قوشولدوم یئللره، چوخ گئتدیم. اوختایلا صمده اولدوم یولداش و ادبیات مجلیسلرینده سیرداش.
1347-ده بیتیردیک مدرسهنی. 1348-ده دانیشگاها، اینقلابا گیردیم. 1349-دا ساواک توتاندا منی، قورخوسوندان یاندیردی بیر دوست ایلک شعرلریمی. 1350-ده ائولندیم و یئنه ده سئللرله و یئللرله گئدیردیم و گئدیردیم و هردن دئیینیردیم اوزو یوموشاق کاغاذلارا. سئل قویمادی تئز آییلام، تئز گؤرم. گئج آییلدیم. بیر اوزومه باخدیم بیر سؤزومه، بیر ده بویلانیب شعریمیزه باخدیم. نثریمیزه باخدیم. اینانمادیم گؤزومه. اوشوتمه دوشدو جانیما. نئچه محبتلی سسدن باشقا، درهلرین یامسیلاری گلدی قولاغیما. اده بیر بئله ده شعار اولارمیش؟! سانکی داغچیلار داغلاردا "های-های دئیییللر..."
یئنیدن دوغولدوم 1365-ده و یئنی سؤز قلم وئردی الیمه، دئدی: یاز! و من ایمکلهدیم یئنه. آز گئتدیم چوخ گئتدیم، بیر قدر یول گئتدیم. بیر نئچه دوستا اوخودوم سؤزومو. بیری دئدی: قوی اوخوسونلار سؤزونو. او بیری آلدی نئچهسینه تانیتدیردی اؤزومو. باشقاسی دوزه دوزدو، دوزومو. دئدیلر: یوخ ایذین، یوخ-یوخ اولماز. سؤزون دردیمیزه دهیمز...! دوروب باخمادیم، پسابلارادوشوب آخمادیم. مقاله یازدیم هفتهلیکلره. تورکجه – فارسجا بؤلوملرینی ایداره ائتدیم ایکی هفتهلیین. و یئنیدن "تالانمیش گونش"-یمین چاپینا جان آلدیم (و نهایت سایدیغیم دوستلارین بیری، چاپا چاتدیردی اونو 1377-ده).
گنجلیکده گؤردوم گلهجهیین شعرینی، نثرینی، هونرینی. قوشولدولار منه اولار، قوشولدوم اولارا و سوردوک ایکیجه ایل یاریم، نثر ایله شعیر کلاسلاریمیزی. و بؤیلهسینه درهلردن دوزه چیخدیق. کؤهنهلرن تزه چیخدیق...
آنجاق سو قاتدیلار آشیما، اویون گلدی باشیما. بئش آی سورقویلا سووال، بئش آی هارالاردا قال. و من باش گؤتوروب قاچمیشام، غئیره آغیز آچمیشام.
1328-اینجی ایل تیر آیینین 16-سیندا تبريزده دوغولدوم. ایییرمی گون سورا دئدیلر، ائله سن هوندور داغلارین ماکیسیندا دوغولموسان و یازیب وئردیلر ایییرمی گونلوک اللریمه.
بئش یاشیما قدر ماکی، ساققیز و میاندابدا اوینادیم. بئشدن بری تبریزه سوروندوم آتام آرخاسینجا. یادیمدا؛ منی آلیشدیریب یاندیران یازینین ایلک نفسلرینده، آتام آلدی مشق دفتریمی گؤرستدی شهریارا –اوست اوتاقدا- باخ نه گؤزل خطی وار اوغلومون! گؤزلَلهدی او دا منی. آنجاق خطیم هئچ زامان آتامین خطینین دیرناغینا چاتمادی.
1338-ده آتام اؤلدو. هامی گئتدی. باجادان باخانیمیز دا قالمادی. تکجه کیتابلاری و شعرلری قالدی آتامین بیزه. و یالنیز اؤزوموز، اؤزوموزه. اوخودوم. موپاسانی، تولستویو، سامرست موامی و مین بیر گئجه ناغیللارین. اون ایکی یاشیمدا بیر گؤرن گؤز دهیرلندیردی اوخودوقلاریمی و آزاجیق یازدیغیم، آغزی سوت اییی وئرن شعرچهلریمی و بؤیله قوشولدوم یئللره، چوخ گئتدیم. اوختایلا صمده اولدوم یولداش و ادبیات مجلیسلرینده سیرداش.
1347-ده بیتیردیک مدرسهنی. 1348-ده دانیشگاها، اینقلابا گیردیم. 1349-دا ساواک توتاندا منی، قورخوسوندان یاندیردی بیر دوست ایلک شعرلریمی. 1350-ده ائولندیم و یئنه ده سئللرله و یئللرله گئدیردیم و گئدیردیم و هردن دئیینیردیم اوزو یوموشاق کاغاذلارا. سئل قویمادی تئز آییلام، تئز گؤرم. گئج آییلدیم. بیر اوزومه باخدیم بیر سؤزومه، بیر ده بویلانیب شعریمیزه باخدیم. نثریمیزه باخدیم. اینانمادیم گؤزومه. اوشوتمه دوشدو جانیما. نئچه محبتلی سسدن باشقا، درهلرین یامسیلاری گلدی قولاغیما. اده بیر بئله ده شعار اولارمیش؟! سانکی داغچیلار داغلاردا "های-های دئیییللر..."
یئنیدن دوغولدوم 1365-ده و یئنی سؤز قلم وئردی الیمه، دئدی: یاز! و من ایمکلهدیم یئنه. آز گئتدیم چوخ گئتدیم، بیر قدر یول گئتدیم. بیر نئچه دوستا اوخودوم سؤزومو. بیری دئدی: قوی اوخوسونلار سؤزونو. او بیری آلدی نئچهسینه تانیتدیردی اؤزومو. باشقاسی دوزه دوزدو، دوزومو. دئدیلر: یوخ ایذین، یوخ-یوخ اولماز. سؤزون دردیمیزه دهیمز...! دوروب باخمادیم، پسابلارادوشوب آخمادیم. مقاله یازدیم هفتهلیکلره. تورکجه – فارسجا بؤلوملرینی ایداره ائتدیم ایکی هفتهلیین. و یئنیدن "تالانمیش گونش"-یمین چاپینا جان آلدیم (و نهایت سایدیغیم دوستلارین بیری، چاپا چاتدیردی اونو 1377-ده).
گنجلیکده گؤردوم گلهجهیین شعرینی، نثرینی، هونرینی. قوشولدولار منه اولار، قوشولدوم اولارا و سوردوک ایکیجه ایل یاریم، نثر ایله شعیر کلاسلاریمیزی. و بؤیلهسینه درهلردن دوزه چیخدیق. کؤهنهلرن تزه چیخدیق...
آنجاق سو قاتدیلار آشیما، اویون گلدی باشیما. بئش آی سورقویلا سووال، بئش آی هارالاردا قال. و من باش گؤتوروب قاچمیشام، غئیره آغیز آچمیشام.
.
اثرلری:
تالانمیش گونش - شعرلر توپلوسو
.
سسلی اثرلری:
...
بایقوش داکی اثرلری:
No comments:
Post a Comment