Himmet Şehbazi
همت شهبازی.
حیاتی:
1350-ده موغانين اونگوت ماحالینين نريمانكندی كندينده دوغولموشام. 1362-دن موغانين پارسآباد شهرينده ياشاييرام.
ايلك دفعه شعره ماراغيم تخمينا 16 ياشيمدان اولموشدور. هر گون فضولی غزللرينی ائشيتمك اوچون باكی راديوسونا قولاغيمی داياييرديم. فضولی ديوانينی تاپماق لاپ بؤيوك بير مسئله اولموشدو منه. اوتای-بوتای كؤرپوسو قيريلاركن "جليل آباد" شهرينده ساققيز–خينا آليش وئريشی آراسيندا من ده يالنيز و يالنيز كيتابخانا و كيتابخانادا فضولی آختاريرديم. "علی" مئيدانيندا يئرلشن كيتابخانادا نهايت كی تاپديم اونو. ايلك بير ايلين ايچينده 25 غزل حدودوندا فضولیدن ازبرلهديم. فضولی ايله ياشاديم و ايندی ده او ماراق اسكيلمهييبدير. سونرا "سهنديه"نی اوخودوم. هر گون مدرسه يولوندا سهنديهنی اؤزومچون ازبردن اوخويوردوم.
حیاتی:
1350-ده موغانين اونگوت ماحالینين نريمانكندی كندينده دوغولموشام. 1362-دن موغانين پارسآباد شهرينده ياشاييرام.
ايلك دفعه شعره ماراغيم تخمينا 16 ياشيمدان اولموشدور. هر گون فضولی غزللرينی ائشيتمك اوچون باكی راديوسونا قولاغيمی داياييرديم. فضولی ديوانينی تاپماق لاپ بؤيوك بير مسئله اولموشدو منه. اوتای-بوتای كؤرپوسو قيريلاركن "جليل آباد" شهرينده ساققيز–خينا آليش وئريشی آراسيندا من ده يالنيز و يالنيز كيتابخانا و كيتابخانادا فضولی آختاريرديم. "علی" مئيدانيندا يئرلشن كيتابخانادا نهايت كی تاپديم اونو. ايلك بير ايلين ايچينده 25 غزل حدودوندا فضولیدن ازبرلهديم. فضولی ايله ياشاديم و ايندی ده او ماراق اسكيلمهييبدير. سونرا "سهنديه"نی اوخودوم. هر گون مدرسه يولوندا سهنديهنی اؤزومچون ازبردن اوخويوردوم.
ايلك شعريم "وطن" حاققيندا و "اسلامی بيرليك" هفتهليينده 1369 (يا 1368) ياييلدی هر گون بلكهده 2 غزل يازيرديم. نه ياخشی كی اونلار داها قالمير. 1370-ده تبريز دانشگاهيندا فارس ادبياتی اوخوماق اوچون قبول اولدوم. بو زاماندان دوشونجهلريم دهييشيلمهيه باشلادی. آرتيق كلاسيك ادبياتلا يوخ چاغداشليقلا مشغول اولدوم. بونا سبب ايسه كيتابلارا اليمين يئتيشمهسی و كيتاب اوخوماق اولدو. اوخودوم ... اوخودوم... اؤزوده يورولمادان ... كيتاخانا ايشچیلری ده منيم اليمدن اينجيمهلرينی گيزلهده بيلمهديلر: "ماشالله!! بوتون كيتابلاردا سنين آدين وار" دئييرديلر.
آرتيق يازی و مقالهلريم قزئت و درگیلرده يايليردی. هر بير تئرمده بير كونفرانس وئرديم. سياحتنامه ابراهيم بيك (بو دا تهراندا نشر اولان "ادبيات معاصر" درگيسينده ياييلدی) – سهنديه (يك آذر درگيسينده ياييلدی) – نيما يوشيج - نقد اجتماعی شعر معاصر و ...
اونلار هاميسی سونرالار بير مقاله كيمی ياييلدی. اَن ماراقليسی فضولی حاقدا وئردييم كونفرانس ايدی. من كونفرانس وئرديكدن بير هفته سونرا يونسكو طرفيندن 1994 جو ايلی (سهو ائتميرمسه) فضولی ايلی اعلان اولوندو. خبرينی فاكولتهده گؤردوم. او قدر اؤزوم شيشيردیم كی. هامی زارافاتلا دئييردی: يونسكو سنين كونفرانسينی ائشيديبدير.
دانشگاهدا ادبيات و شعريميزی اوخوياركن يادداشلار گؤتوروردوم. بونا گؤره كی هميشه فارسلار دئييردی: آذربايجانين دا می ادبياتی وار؟ بونلار منيم قولاغيمدا ايندی ده جينگيلدهيير. تاسسوفله مادی امكانسيزليق اوجباتيندان يادداشلاريمی كيتاب ائده بيلميرديم. 1374 ده ليسانس آلديم. و بوندان سونراكی ايشسيزليك داها دا منی اوميدسيزلشديردی. نهايت ايشه گيرديكدن سونرا 1383-ده "نقد شعر معاصر آذربايجان" باشليقلی كيتابيمی يايديم. كيتابدا گئدن بعضی بؤلوملر، اؤنجه قزئتلرده آذربايجان ديلينده ياييلميشدير. كيتابدان باشقا ايندييهدك تخمينا 100-دن آرتيق مقاله و چئويرمهلريم چاپ اولموشدور.
.
اثرلری:
- نقد شعر معاصر آذربایجان (با تحليل شعرهای ساهير، سهند، باريشماز و سحر)، نشر اختر، تبريز 1383
بایقوشداکی اثرلری:
- عاشیقلی کاروان اثرینه بیر باخیش
- یوزومسال تنقید
بایقوشداکی چئوریلری:
- میشل فوکو و اقتدار، گؤکچن گؤکسال
- پست مدرنیزمین یول آچیجیسی اولاراق: فریدریش نیچه، حیلمی یاووز
- فولکلور شعره دوشمن، جمال ثریا
- «ديوان لغاتالترك» محمود كاشغری
No comments:
Post a Comment