ملیحه عزیزپور

ملیحه عزیزپور

ملیحه عزیزپور 1979جو گونش ایلینده اهر شهرینده دوغولدو، بوتون تحصیل ایللرینی تبریزده کئچیردی و سونودا پسیکولوژی بؤلومونده لیسانس آلدی. 17 یاشیندان بری شعر یازماغا باشلاییب، یاغمور آدلی بیرینجی شعر توپلوسونو 2002 جی ایلده تبریزده چاپ ائتدیردی و اونون آردینجا دمیر سئوگی، یاساق دویغولار، گؤی گؤزلو تانری و سو پیچیلتی سی آدلی شعر توپلولارینی ایران و خاریجده چاپا یئتیردی. .

15/04/2010

ملیحه عزیزپور 1979جو گونش ایلینده اهر شهرینده دوغولدو، بوتون تحصیل ایللرینی تبریزده کئچیردی و سونودا پسیکولوژی بؤلومونده لیسانس آلدی. 17 یاشیندان بری شعر یازماغا باشلاییب، یاغمور آدلی بیرینجی شعر توپلوسونو 2002 جی ایلده تبریزده چاپ ائتدیردی و اونون آردینجا دمیر سئوگی، یاساق دویغولار، گؤی گؤزلو تانری و سو پیچیلتی سی آدلی شعر توپلولارینی ایران و خاریجده چاپا یئتیردی. آغ گئجه آدلی حئکایه جیکلر توپلوسو و 14 قلم بزنمیش آی آدلی باشقا قیسا شعرلر توپلوسو دا چاپا حاضیردیرلار. اؤیرنجی اولدوغوندان بری فرقلی قزئت و نشریه لرله علاقه ده اولوردو و اونلارین تورکجه صحیفه لرینی هابئله اوشاق بؤلوملرینی اداره ائدیردی. او 2003 جو ایلدن بری قاریشقا آدلی اوشاق درگیسینی یایینلاماق اوچون مجوز آلماق ایسته دی آنجاق ارشاد اداره سی ایللر بویو سوروندورندن سونرا مجوز وئرمه دی. ملیحه عزیزپور احرار، عصر آزادی، مهر بناب، آوای میشو، اولدوز، آسان، نسیم قره داغ، آفتاب آذربایجان، آذرتورک، سهیل و ... نشریه لرله امکداشلیق ائدیردی کی سون زامانلار اطلاعات طرفیندن قزئته لرده چالیشماقدان محروم ائدیلدی و ایندی لیک تورکیه ده یاشاییر. بيرگون، يا بير آخشام اوستو تبريزين هانسي سا خياوانيندان اؤته‌جه‌ييك من گؤزلريندن اوغورلوق ائدركن آرخادان وورولاجاغام سن بيلمه‌يه‌جكسن يئنه، هانسی سا «خان» قورشون يئيه جك هانسی سا «بَی» آسيلاجاق هانسی سا «عمی» بوغولاجاق يئتيم قالميش شعرلريمده وسن باتوم گؤينرتيسينی اودقوناجاقسان كوره‌يينده تپيك سانجيسينی سوساجاقسان بؤيرونده گؤزلرينی گيزلينجه سينه سيله جكسن و من *** منی آلماليقدا قويلارسان نه اولار؟ ديشلنمه‌ميش آلما قويارسان باش داشيما و مزار داشيمدا يازارسان آلمالارين يئييلمه‌مه‌سيني آلمالار اييله‌مك اوچون يئتيشيرلر http://www.heyderbaba.ca/haber_detay.php?haber_id=638